Montag, 2. Oktober 2017
Nume es Märli
Einisch, vor viele, viele Jahr, het's no en achte Kontinänt gä, wo Feissbuchia g'heisse het. Uf däm Kontinänt het's ganz es chlises Ländli gä mit em schöne Name: Wunderwort! Ja, und i däm chline Land "Wunderwort" hei nume Mönsche dörfe läbe, wo äbe die "Wundersprach" verstande hei. Me het gseit, es sigi die gmüetlechschti Sprach uf em Kontinänt Feissbuchia und genau so sigi die Mönsche i däm chline Land. Wunderwort isch vomene Chönig regiert worde. Är het nid viu Arbeit gha mit sine Unterdane und drum het er sich überleit, dass er si Job doch grad so guet a öpper angerem chönnti übergä. So isch es cho, dass Wunderwort e Chönigin het übercho. Wie gseit, sie isch nid vom Volk gwählt gsi, sondern het ihre nöi Job meh durch Zuefall übercho.
Es paar Wuche lang het me gar ke Ungerschied gmerkt. D'Chönigin Admina het ihrne Unterdane mou hie es Lob gä, mou dört es "gfaut mir" hinger la und aui si z'fride gsi im chline Ländli.
Wie scho dr Chönig vor ihre gmerkt het, git's äbe gar nid so viel z'Regiere und drum isch es ou der Admina längwylig worde. So het sie agfange kommentiere, blockiere und lösche, was grad nid i ihri Schublade passt het. Gwunderig het d'Admina gluegt, was da jetz passiert. Innert churzer Zyt hei d'Unterdane vo Wunderwort afa ufbegähre, sie hei proteschtiert und luthals afa reklamiere. D'Chönigin Admina, het flyssig mitgschumpfe und so no meh Öl is Füür gschüttet. Ratlos und hiuflos hei d'Bewohner vo Wunderwort müesse miterläbe wie weni dass es brucht, um es Volk dürenang z'bringe. Ja, viel vo dene Wunderwort Iwohner überlege sich sogar, öb sie äch nid gschieder würdi uswandere......obschon doch Wunderwort s'schönte Land uf Feissbuchia isch.....
Die Gschicht isch frei erfunde, sött's sich aber doch öpper agschproche füehle de duet's mir leid.......
Abonnieren
Kommentare zum Post (Atom)
u blibet gäng wie dr sit.....
I weiss nid wie dier da drüber dänkit....aber mi het de Spruch vo Hüt am Morge dr ganz Tag beschäftiget. Im Musigwälle Wunschkonzärt het e...
Ja gäu so geits Ursula. Aber gsehsch, aues het ou e gueti Syte: Jetzt hesch es schöns Märli chönne schrybe ob au däm. Ä ganz ä härzigi Gschicht! Ig wett jetzt aber ou no e Furtsetzig mit emene Häppyänd! ;-) Gratuliere Dir zu däm Gschichtli und ganz gross Danke für das Schmunzle wo si mer het bracht, hüt am Morge früe. Wünsche e schöne Tag nach Kanada, mine hett jetzt grad aagfange im tiefe Afrika. LG Ruth
AntwortenLöschenLiebi Ruth, danke für di Kommentar. I bruchti nid so es Gschtürm für chönne Gschichte schrybe. Im Gägeteil.....dr Friede macht mi kreativer. I due mi jetz us dere Gruppe zrügg zieh....
Löschene liebe Gruess Ursula
Sehr guet gschribe Ursula. Wär weiss, vilicht gits das chlyni Rych mit ere nöjie Chünigin doch. Mir schynt fasch, i mög mi erinnere. I gloube sogar dass bereits einigi Untertane/Bürger vo der Tyrannei gnue hei gha u i ds Exil si ggange.
AntwortenLöschenLG Hans-Peter Gubler
Ja Hans-Peter....mir wärde gseh, wie lang d'Chünigin regiert.....mir isch es eigentlich glych.....
Löschenliebi Grüess Ursula